Talǵarda ózenge batqan balany qutqarǵan jas jigit marapattaldy
QONAEV. KAZINFORM – Almaty oblysy Talǵar aýdanynyń ákimi Tanat Aıdarbekov erlik jasaǵan Serikjan Sembaıulyna alǵys hatpen, syılyqqa sońǵy nusqasyndaǵy Ipad-ty tabys etti.
Aýdan basshysy Botan Serikjannyń eren erligi úshin Talǵar aýdany jurtynyń atynan sheksiz alǵysyn bildirdi.
«Naǵyz er adamnyń qolynan keletin áreketter nazardan tys qalmaýy kerek. Elimiz óz batyrlary týraly bilýi qajet», - dep atap ótti aýdan basshysy.
Almaty oblysy ákimdiginen málim etkendeı, kún saıyn óńirdiń sý qoımalarynda profılaktıkalyq reıd júrgiziledi. Oǵan jeke quramnyń 66 mamany júzý quraldarynyń 11 birligi jumyldyryldy.
Budan bólek sýdaǵy qaýipsizdik erejelerin buzýshylardy anyqtaý úshin daýys zoraıtqyshy bar dron men teplovızor arqyly túngi reıdter uıymdastyrylady.
Osyǵan deıin Talǵarda jas jigit sýǵa batyp bara jatqan balany qutqaryp qalǵany týraly jazǵan edik.
