Talǵarda monsha men saraı órtendi

Talǵar qalasynda jer úılerdiń biri órtenip, monsha, saraı men bastyrma otqa orandy, dep habarlaıdy Kazinform.

21 qazan kúni saǵat 19:06-da Almaty oblystyq Tótenshe jaǵdaılar departamentiniń órt sóndirýshileri Talǵar qalasyna shaqyrtý aldy. Olar oqıǵa ornyna kelgende Amangeldi kóshesiniń boıyndaǵy jer úıdiń monsha, saraı, jáne bastyrmasynyń janǵanyn anyqtady. Jalyn sharpyǵan aýmaq 150 sharshy metr.

Órttiń sebebi anyqtalyp jatyr. Órt 20 saǵat 07 mınýtta oqshaýlanyp, 20 saǵat 38 mınýtta sóndirildi.

Órtti sóndirýge Almaty oblysy Tótenshe jaǵdaılar departamentiniń 15 qyzmetkeri men 5 tehnıkasy jumyldyryldy. Gaz ballonynyń jarylý faktisi tirkelgen joq. Qurbandar men zardap shekkender joq.