Talǵar mańynda túngi ýaqytta taǵy janjal shyqty

QONAEV. KAZINFORM — Áleýmettik jelide Talǵar aýdany Tuzdybastaý aýylynda janjal bolǵany týraly aqparat tarady. Almaty oblysynyń Polıtsııa departamenti bul derek boıynsha túsinik berdi.

Jelidegi málimet boıynsha, boıynsha, Tuzdybastaý aýylyndagy «Bastaý» kafesiniń aldynda belgisiz adamdar arasynda janjal bolǵan.

Almaty oblysynyń Polıtsııa departamenti kıkiljińge qatysqan kúdiktiler ustalǵanyn habarlady.

— Buzaqylyq áreketter faktisi boıynsha qylmystyq is qozǵaldy. Oqıǵaǵa qatysýshylardyń barlyǵy polıtsııaǵa jetkizildi. Zardap shekkender joq. Oqıǵanyń mán-jaıy anyqtalyp jatyr, — dep habarlady oblystyq PD baspasóz qyzmeti.

Eske salaıyq, buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz. 

Almaty oblysynyń prokýratýrasy kisi óltirý týraly bul is erekshe baqylaýǵa alynǵanyn habarlady. 

Birneshe kúnnen keıin jasóspirimniń ólimine kúdiktiler Qonaevqa aýystyryldy.