Talǵar qalasy mańynda ıtterdiń terisi kómilgen qorym tabyldy

ALMATY. QazAqparat - Talǵar qalasy mańynda ıtterdiń terisi kómilgen qorym tabyldy. Polıtsııa tergeýdi bastady, dep habarlaıdy QazAqparat tilshisi.

Almaty oblysy Talǵar aýdandyq polıtsııa basqarmasynyń málimetinshe, 25 sáýirde Instagram áleýmettik jelisine monıtorıng júrgizý barysynda «Keńdala» kentiniń aýmaǵyndaǵy mal qorymy týraly beınejazba anyqtaldy.

«Qylmystyq quqyq buzýshylyq QR QK 316-babynyń 1-bóligi «Janýarlarǵa qatygezdikpen qaraý» boıynsha Talǵar aýdandyq polıtsııa basqarmasynyń sotqa deıingi tergep-tekserýdiń biryńǵaı tizilimine tirkeldi.

Qazir qylmysqa qatysy bar adamdardy anyqtaý úshin jedel-izdestirý is-sharalarynyń barlyq kesheni júrgizilip jatyr.

Qylmystyq isti tergeý barysy men nátıjeleri Almaty oblystyq Polıtsııa departamentiniń baqylaýyna alyndy.