Taldyqorǵanǵa otandyq «QazVac» vaktsınasynyń 4 myń dozasy jetkizildi
Preparat oblystyq aýrýhananyń dári saqtaý qoımasyna tapsyryldy, dep habarlaıdy QazAqparat tilshisi.
Bul jerden vaktsına oblystaǵy 250-den astam ekpe pýnktine taratylady. Qazaqstandyq ǵalymdar óndirgen vaktsınanyń reseılik Spýtnık V ekpesinen ereksheligi saqtaý temperatýrasynda. Eger reseılik preparat nolden tómen temperatýrada saqtalsa, otandyq vaktsınany +2, +8 gradýsta saqtaýǵa bolady, deıdi mamandar. Búginnen bastap jetisýlyqtar da otandyq ekpeni qabyldaı bastaıdy.
«Jetkizilgen 4000 myń vaktsına ol birinshi partııa. Negizinde Almaty oblysyna 1 mln 100 myń vaktsına keledi. Qazirgi ýaqytta 117 myń vaktsına ákelindi. Onyń ishinde 111 myńy engizildi»,- dedi Almaty oblystyq Densaýlyq saqtaý basqarmasy basshysynyń orynbasary Arman Jansengirov.
