Taldyqorǵandyq dombyrashylar Chehııany baǵyndyryp qaıtty

TALDYQORǴAN. QazAqparat - Taldyqorǵandyq jas dombyrashylar Chehııa astanasy Pragada ótken óner báıgesinen bas júldemen oraldy. Osymen 10-ynshy márte uıymdastyrylǵan balalar men jasóspirimder arasyndaǵy festıvalge Jetisýdyń bas qalasynan 9 ónerli óren qatysqan bolatyn, dep habarlaıdy QazAqparat tilshisi.

Jarysta álemniń 15 elinen kelgen eń úzdik ánshi, bıshi, kúıshi balalar baq synaǵan. Tartysqa toly báseke birneshe kúnge jalǵasyp, sońynda ádilqazylar dombyrashylarymyzdyń ónerine joǵary baǵasyn berdi. 

"Ata tolǵaý" jáne "Kóshbasshy" kúılerin oryndaǵan "Murager" ansambli osylaısha qazaqtyń kúı ónerin Eýropa tórinde moıyndatyp qaıtty. Sonymen qatar, birneshe kúıshi jeke oryndaýshylyq baǵyty boıynsha da júldeli oryndarǵa qol jetkizdi.

Aıta keteıik, dombyrasyn arqalaǵan  balalar Oqýshylar saraıynda tálim alady. Olar "EKSPO" kórmesi aıasynda ótken mýzyka saıysyna qatysyp, Chehııa elindegi osy baıqaýǵa joldama alǵan edi. El namysyn qorǵap, abyroımen oralǵan ónerli shákirtterdi qala ákimi qabyldap, tartý-taralǵysyn usyndy. Oqýshylardy endi kelesi jyly Sankt-Peterbýrgte ótetin taǵy bir óner dodasy kútip tur.