Taldyqorǵanda úshinshi adam menıngıt kúdigimen aýrýhanaǵa tústi

TALDYQORǴAN. QazAqparat - Taldyqorǵanda taǵy bir adam menıngokokk ınfektsııasyn juqtyrdy degen kúdikpen aýrýhanaǵa tústi. Qazir 9 jastaǵy bala oblystyq balalar aýrýhanasynda jatyr, dep habarlaıdy QazAqparat tilshisi.

Almaty oblysyndaǵy qoǵamdyq densaýlyq saqtaý departamentiniń basshysy Erǵalı Sydymanovtyń aıtýynsha, naýqastyń jaǵdaıy qalypty.

«9 jasar bala qazir balalar aýrýhanasynda jatyr. Ol Oraza ustap júrgen eken. Onyń ústine meshitte medresede oqıdy. Sońǵy barǵan jeri sol jer», - dedi departament basshysy E. Sydymanov.

Aıta ketý kerek, ótken táýlikte Taldyqorǵan qalasynda menıngokokk ınfektsııasyn juqtyrdy degen kúdikpen 2 adamnyń aýrýhanaǵa túskenin habarlaǵan bolatynbyz. Bul eki naýqasqa da klınıkalyq turǵyda atalǵan dıagnoz qoıylǵan.