Taldyqorǵanda menıngıtpen aýrýhanaǵa túsken naýqastyń beti beri qarady

TALDYQORǴAN. QazAqparat - Taldyqorǵandaǵy kópsalaly aýrýhanada bir apta boıy jansaqtaý bóliminde es-tússiz jatqan naýqastyń beti beri qarady. Búgin Kóksý aýdanynyń turǵynyn qalalyq ınfektsııalyq aýrýhanaǵa aýystyrdy, dep habarlaıdy QazAqparat tilshisi.

«Menıngokok juqpasy bar degen kúdikpen túsken naýqastyń beti beri qarady. 54 jastaǵy azamattan atalǵan aýrý anyqtalmady», - dep málim etti qalalyq kópsalaly aýrýhananyń dárigeri.

Esterińizge sala keteıik, Almaty oblysynda menıngokoktyq ınfektsııadan 4 adam kóz jumdy. Onyń eń kishkentaıy - 2 jasar qyz bala bolatyn.