Taldyqorǵanda koronavırýs juqtyrǵandar sany 78-ge jetti

TALDYQORǴAN.QazAqparat - Almaty oblysynda koronavırýs ınfektsııasyn juqtyrǵandardyń taǵy 4 jaǵdaıy tirkeldi.

Onyń 3-eýi Taldyqorǵan qalasynda, 1 jaǵdaı Qapshaǵaı qalasynda oryn aldy, - dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.

1947, 1953, 1955, 1989 jyly týǵan naýqastar aýrýhanada profılaktıkalyq tekserýden ótkizilgen. Olardan koronavırýs ınfektsııasy anyqtalǵan soń oqshaýlanyp, qazirgi ýaqytta juqpaly aýrýlar bólimine aýystyryldy. Epıdemıologııalyq tekserý jalǵasýda.

Aıta keteıik, Taldyqorǵan qalasynda koronavırýstyń alǵashqy jaǵdaıy 14-shi mamyrda tirkeldi.

Sol ýaqyttan beri indetti juqtyrǵandar sany 78 adamǵa jetti.

31 mamyrdaǵy jaǵdaı boıynsha Almaty oblysynda ınfektsııa juqtyrǵan 353 adam tirkelgen, onyń 182-si tolyǵymen emdelip, aýrýhanadan shyǵaryldy.