Taldyqorǵanda kitap almasýdyń jańa túri paıda boldy
Almaty oblystyq tilderdi damytý basqarmasynyń bastamasymen qalanyń halyq eń kóp júredi degen úsh núktesinde kitap sóreleri qoıyldy. Bul jerde oqyrman ózine unaǵan kitabyn tegin alyp oqı alady. Biraq bir ǵana talap bar. Alǵan kitaptyń ornyna bir kitap qoıyp ketý kerek. Jalpy mundaı kitap almasý ádisin býkkrossıng dep ataıdy. Qala turǵyndary men qonaqtary kitaptardy «Jastar» saıabaǵynda, Qaratal jaǵalaýynda jáne «arbattan» ala alady. Oblystyq tilderdi damytý basqarmasynyń basshysy Aıdar Bashbaevtyń aıtýynsha «Jetisý - kitapqumarlar ólkesi» dep atalatyn shara Elbasynyń «Rýhanı jańǵyrý: bolashaqqa baǵdar» atty baǵdarlamalyq maqalasy aıasynda uıymdastyrylyp otyr.
«Kitap adamnyń ishki jan dúnıesin baıytyp, rýhanı qýattandyryp, oı-órisin keńeıtetin qural. Bul taldyqorǵandyqtarǵa taptyrmas múmkindik», - deıdi Aıdar Bashbaev.
Al ashyq aspan astyndaǵy kitap sóreleri jańartylyp turatyn bolady.
