Taldyqorǵanda aqyn Sáken Imanasovtyń 5 tomdyq jınaǵy jaryq kórdi

TALDYQORǴAN. QazAqparat - Taldyqorǵan qalasynda Halyqaralyq «Alash» ádebı syılyǵynyń laýreaty, Qazaqstannyń eńbek sińirgen qaıratkeri, aqyn Sáken Imanasovtyń 5 tomdyq shyǵarmalar jınaǵynyń tusaýkeseri ótti. 5 tomdyq kitap «Alataý» baspasynda basylyp shyqty, dep habarlaıdy QazAqparat tilshisi.

Bıyl Almaty oblysy jáne Alakól aýdanynyń qurmetti azamaty  Sáken Imanasov kózi tiri bolsa 80 jasqa tolar edi. Qalamger shyǵarmalaryn qalyń jurtqa nasıhattap, ult rýhyn kúsheıtip, ádebı murany tolyqtyrý maqsatynda jaryq kórgen 5 tomdyqty qurastyrǵan jazýshy-baspager Yrym Kenenbaı. 

Saltanatty rásimge Jetisý óńiriniń aqyn-jazýshylary, zııaly qaýym ókilderi joǵarǵy oqý ornynyń professorlary, ádebıetshiler, aqynnyń jerlesteri, urpaqtary men oqyrmandar qatysty. QR Eńbek sińirgen qaıratkeri, jazýshy Beksultan Nurjekeev, ardager jýrnalıst ári Sáken Imanasovtyń dosy Jaqyp Mamadııar men aqynnyń jary Márııam Imanasova óz estelikterimen bólisip, jańa týyndy óskeleń oqyrman qaýymnyń izdep oqıtyn kitabyna aınalatynyna senim bildirdi.

Rýhanı keshte Sáken Imanasovtyń óleńderine jazylǵan ánder oryndaldy.