Taldyqorǵanda 180 otbasy baspanaly boldy

TALDYQORǴAN. QazAqparat - Astananyń 20 jyldyq mereıtoıynda taldyqorǵandyq 180 otbasy jańa páterge ıe boldy. Jańa úıler shahardyń 6 shaǵyn aýdanynan jáne 9 alańnan berildi, dep habarlaıdy QazAqparat tilshisi.

Jańa baspanalardyń kiltteri 11 sanat boıynsha kezekte turǵan jandarǵa tabystaldy. Olardyń qatarynda I, ІІ toptaǵy múgedekter, tolyq emes otbasylar, zeınetkerler, maıdangerlerge teńestirilgen azamattar, múgedek bala tárbıelep otyrǵan otbasylar bar. 6-shaǵyn aýdannan berilgen 60 páterli eki úı arendalyq, al 9 alandaǵy 60 páterli kópqabatty baspana kommýnaldyq turǵyn úı.

Sondaı-aq, elorda toıynda Almaty oblysynyń ákimi birqatar azamattarǵa «Astananyń 20 jyldyǵy» mereıtoılyq medalin tapsyrdy. Mundaı marapatqa jalpy 196 jetisýlyq ıe boldy. Mereke aıshyqty kontserttik baǵdarlamamen jalǵasýda.

Jalpy, Astananyń 20 jyldyǵyna oraı Almaty oblysynda osy kúni 40-qa jýyq túrli mádenı-buqaralyq, tanymdyq, sporttyq sharalar ótti. Máselen búgin Taldyqorǵanda «Astana» dańǵyly ashylyp, al Alakól aýdanynda «Báıteregi» bar  saıabaq halyqtyń ıgiligine berilgenin habarlaǵan bolatynbyz.  Al erteń «Taldyqorǵan» ıppodromynda ulttyq at sporty túrlerinen jarys ótedi.