Taldyqorǵandaǵy Nazarbaev eskertkishiniń tuǵyry alynyp tastaldy

TALDYQORǴAN. KAZINFORM – Taldyqorǵan ákimdigi Qazaqstannyń tuńǵysh prezıdenti Nursultan Nazarbaev eskertkishiniń tuǵyryn ne sebepti alyp tastaǵandaryn túsindirdi.

«Taldyqorǵan qalasynyń ortalyq alańynda buzylǵan eskertkishtiń tuǵyry qalanyń sáýlettik kelbetin qashyryp turdy. Osyǵan baılanysty bólshektelip alynyp, tastaldy. Ony qalpyna keltirý nemese onyń ornyna basqa da mádenı nysan salý josparda joq», - dep jaýap berdi qala ákimdiginiń baspasóz qyzmeti.

Eske salaıyq, eskertkish 2022 jyly qańtar oqıǵasy kezinde qıraǵan bolatyn.

Qazaqstannyń Tuńǵysh Prezıdentine arnalǵan eskertkish 2016 jyly ornatylǵan edi.