Taılandtan Astanaǵa pochta arqyly iri mólsherde esirtki tasymaldanǵan

ASTANA. KAZINFORM - Taılandtan Astanaǵa pochta arqyly esirtki tasymaldanǵan, dep habarlaıdy Qarjylyq monıtorıng agenttiginiń baspasóz qyzmeti. 

"Taılandtan halyq tutynatyn taýarlary túrindegi pochta sálemdemeleri arqyly asa iri mólsherde esirtki zattaryn jetkizý faktisin Qarjylyq monıtorıng agenttigi "Áýejaı-Astana" keden beketi men «DHL» kýrerlik kompanııasynyń qyzmetkerlerimen birlesip toqtatty. 

QMA Astana qalasy boıynsha Departamentiniń qyzmetkerleri qyzmettik-izdestirý ıtiniń kómegimen «DHL» ýaqytsha saqtaý qoımasyn tekserý kezinde kedendik baqylaý aımaǵynda halyqaralyq pochta jóneltimderinen 3 qorap tabyldy, olardyń ishinde jalpy salmaǵy 3,5 kg kannabıs syǵyndysy (gashısh maıy) tabyldy. Jedel-tergeý is – sharalary barysynda tórt kúdikti anyqtaldy, olardyń turǵylyqty jeri boıynsha tintý júrgizildi, onda salmaǵy 787 gr marıhýana jáne esirtki zattaryn ólshep-oraý úshin qajetti basqa da zattar tabylyp, tárkilendi" delingen habarlamada. 

Atalǵan fakti boıynsha sotqa deıingi tergeý júrgizilýde. 4 kúdiktige qatysty «qamaýda ustaý» túrindegi bultartpaý sharasy sanktsııalandy.

QR QPK 201-babynyń talaptaryna sáıkes ózge de málimetter jarııa etilýge jatpaıdy.