Taılandtaǵy týrnırde Tórehan Sabyrhan fınalǵa joldama aldy

ASTANA. KAZINFORM — Taıland astanasy Bangkokta ótip jatqan bokstan Thailand Open halyqaralyq týrnırinde Tórehan Sabyrhan (70 keli) fınalǵa shyqty.

Jartylaı fınalda ol qyrǵyzstandyq Ihtııar Nıshonovpen qolǵap túıistirdi. Tóreshilerdiń biraýyzdan sheshimimen 5:0 esebimen jeńiske jetip, jarysty jalǵastyrýǵa múmkindik aldy.

Endi ol fınalda ózbekstandyq Muhammadazızbek Ismoılovpen sharshy alańǵa shyǵady.

Aıta ketsek, Tórehan jastar jáne jasóspirimder arasynda tórt dúrkin Azııa chempıony ataǵyn jeńip alǵan.

Tórehan byltyr qarasha aıynda Chernogorııanyń Býdva qalasynda ótken jastar arasyndaǵy bokstan álem chempıonatynyń altyn medalin ıelendi.

Eske salsaq, budan buryn Dıas Moljigitov (80 keli), Vıktorııa Grafeeva (60 keli), Gúlsaıa Erjan (80 keli) fınalǵa joldama aldy.

Sondaı-aq el quramasynan Dýlat Bekbaýov (65 keli), Danııar Rahymberdıev (90 keli), Bekzat Tańatar (85 keli) men Nursultan Altynbek (55 keli) qola júldeni qanaǵat tutty.

Dástúrli týrnır 24 mamyr men 1 maýsym aralyǵynda ótkizilip jatyr. Oǵan Qytaı, Koreıa, Japonııa, Ózbekstan, Qazaqstan, Taıland jáne taǵy basqa eldiń bylǵary qolǵap sheberleri qatysady dep josparlanǵan.