Taılandta balabaqshaǵa jasalǵan shabýyldan 34 adam qaza boldy

ASTANA. QazAqparat – Taılandtyń soltústik-shyǵysynda balabaqshaǵa tapanshamen jáne pyshaqpen qarýlanǵan er adam shabýyl jasap, 34 adam, onyń ishinde 22 bala qaza boldy, dep habarlaıdy QazAqparat VVS-ge silteme jasap.

Shabýyl Nongbýalamphý provıntsııasynda bolǵan. Bastapqyda polıtsııadan memlekettik tirkeý nómiri Bangkokte berilgen, aq tústi pıkap Toyota kóligin izdestirip jatqany habarlandy. Keıin Taılandtyń ortalyq tergeý bıýrosy (TCEB) er adamnyń óz áıeli men balasyn atyp óltirip, óz-ózine qol jumsaǵanyn habarlady.

Aldyn ala málimet boıynsha, shabýyl jasaǵan adam – 34 jastaǵy Panıa Kamrab, ol ótken jyly esirtki qoldanǵany úshin polıtsııadaǵy qyzmetinen ketken.

Mundaı shabýyldar Taılandta óte sırek kezdesedi. 2020 jyly Nakhonratchasıma provıntsııasynda áskerı qyzmetkerdiń shabýylynan 20-dan astam adam qaza taýyp, ondaǵan adam jaraqat alǵan bolatyn.

Foto: bbc.com