Taıland pen Qazaqstan medıtsınalyq seriktestikti arttyrmaq

ASTANA. KAZINFORM – Taıland pen Qazaqstan alǵash ret densaýlyq saqtaý salasyndaǵy tájirıbe almasýdy bastady. Bul úshin Ońtústik Azııadan kelgen dárigerler Astanada akademııalyq sımpozıýmdar men dárister ótkizedi. Delegatsııa quramynda medıtsınalyq ınnovatsııalar men robototehnıka salasyndaǵy jetekshi kompanııa ókilderi de bar.

Elshiliktiń habarlaýynsha, Taıland úkimeti jahandyq densaýlyq saqtaýda seriktestikti arttyryp, álem azamattaryna kómek kórsetý saıasatyn júrgize bastaǵan. Onyń aıasynda Qazaqstanmen de ózara tıimdi seriktestik jasaý kózdelip otyr.

– Qazaqstan – Taılandtyń Ortalyq Azııadaǵy strategııalyq seriktesi, biz saıasat, saýda jáne týrızm sııaqty túrli baǵytta yntymaqtasamyz. Bizdiń elimiz jyl saıyn Qazaqstannan 200 myń týrıst qabyldaıdy. Biraq medıtsına salasyndaǵy áleýetimiz ashylmaı otyr. Taıland degende teńiz, jaǵajaı, mýaı-taı sporty eske túsýi múmkin. Degenmen óńirdegi sapaly medıtsınalyq qyzmetter men ozyq emdeý múmkindikteri bar el retinde tanı bermeıdi. Óz kezegimizde biz Qazaqstandy Ortalyq Azııadaǵy jetekshi medıtsına haby retinde moıyndaımyz. El Úkimetiniń densaýlyq saqtaý júıesin damytý ustanymyn, onyń ishinde medıtsınalyq ınfraqurylymdy jańǵyrtý, qyzmet sapasy men qoljetimdiligin arttyrý, sondaı-aq adamı kapıtaldy nyǵaıtý jumystaryn joǵary baǵalaımyz, – deıdi Qazaqstandaǵy Taıland koroldiginiń tótenshe jáne ókiletti elshisi Pııapın Nııomrerks.

Ásirese Taıland pen Qazaqstan onkologııa men saýyqtyrý salasyna basymdyq berip, tájirıbe almasqysy keledi. Sońǵy jyldary onkologııalyq aýrýlardy emdeý salasynda úlken ózgerister oryn aldy. Qazir ár naýqastyń ereksheligine qaraı túrli tehnologııalardy qoldanyp, qaterli isiktiń kóptegen túrin emdeýge múmkindik bar. Degenmen olardyń baǵasy qymbat bolýy múmkin. Taı dárigerleri arzanyraq medıtsınalyq qyzmet pen preparattar usyna alatynyn aıtady.

– Sońǵy on jylda keńinen damyǵan baǵyttardyń biri — ımmýnoterapııa arqyly emge kónbeıtin retsıdıvi bar naýqastarǵa kómektesýge bolady. Taılandta biz ózimizdiń ǵylymı áleýetimizdi paıdalanyp, ımmýndyq jasýshalardy jergilikti deńgeıde modıfıkatsııalaýdy bastadyq. Bolashaqta yntymaqtastyqty arttyryp, sheberlik saǵattaryn ótkizip, bul tehnologııalardy Qazaqstannyń ózinde damytýǵa múddelimiz, – deıdi Bangkoktaǵy Samitivej hospital dárigeri Sýthat Fýcharoen.

Buǵan deıin Taıland sarapshysy Qazaqstanda júrgizilip jatqan reformalar týraly pikir bildirgen edi.