Taǵy eki oblysta kólik qozǵalysyna shekteý qoıyldy

ASTANA. KAZINFORM - QazAvtoJol aýa raıyna baılanysty taǵy eki oblysta jol jabylǵanyn habarlady. 

31 jeltoqsan saǵat 19:00-da aýa raıynyń buzylýyna baılanysty respýblıkalyq mańyzy bar kelesi avtojoldarda júk jáne qoǵamdyq kólik túrleri qozǵalysyna shekteý engiziledi: 

Aqmola oblysy: – «Astana – Qaraǵandy (aınalma jolymen) – Almaty» avtomobıl jolynyń 32-92 shaqyrym aralyǵyndaǵy ýchaskesi (Jibek Joly aqy alý pýnktinen Qaraǵandy oblysynyń shekarasyna deıin);

Qaraǵandy oblysy: – «Astana – Qaraǵandy (aınalma jolymen) – Almaty» avtomobıl jolynyń 92-164 shaqyrym aralyǵyndaǵy ýchaskesi (Aqmola oblysynyń shekarasynan Temirtaý aqy alý pýnktine deıin);

Joldy 2026 jylǵy 01 qańtar saǵat 09:00-de ashý josparlanǵan.

Eske sala keteıik, buǵan deıin 4 oblystaǵy 5 respýblıkalyq jolda kólik qozǵalysy shektelgenin habarlaǵanbyz.