16:15, 03 Shilde 2024 | GMT +6
Taǵy bir prezıdent ShYU sammıtine qatysý úshin Astanaǵa keldi
ASTANA. KAZINFORM — Shanhaı yntymaqtastyq uıymynyń sammıtine qatysý úshin Qazaqstan astanasyna kelgen Ózbekstan Respýblıkasynyń Prezıdentin áýejaıda Premer-Mınıstr Oljas Bektenov qarsy aldy.
Ózbekstan — 2001 jyly uıym qurylǵannan beri ShYU-ǵa múshe eldiń biri.
Búgingi tańda Ózbekstan — Qazaqstannyń iri saýda seriktesteriniń biri.
Ótken jyly eki el arasyndaǵy taýar aınalymynyń kólemi shamamen $4,5 mlrd qurady.
Bul rette bıylǵy 4 aıda ózara saýda $1,2 mlrd-qa jetti.
Bizdiń respýblıkamyzdyń Ortalyq Azııadaǵy barlyq taýar aınalymynyń shamamen 57%-y Ózbekstanmen baılanysty.
