Qazaqstannyń taekvondo sheberleri Fujairah Open-de 7 júldeni jeńip aldy
ASTANA. KAZINFORM – Búgin Birikken Arab Ámirlikteriniń Fýdjeıra qalasynda taekvondodan G2 sanatyndaǵy týrnır aıaqtaldy. Nátıjesinde jerlesterimiz 7 júlde jeńip aldy.
QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, úsh kúnge sozylǵan básekede Ulttyq qurama sportshylary da baq synap, 7 medaldy jeńip aldy.
Atap aıtatyn bolsaq, fınalda Amanbol Begimbetov (63 keli) ıAsmına Narbaeva (62 keli) men Jansel Denız (73 keli) qarsylasyna jol berip, kúmis júldeger atandy.
Al VI jazǵy Spartakıadanyń jeńimpazy Batyrhan Tóleýǵalı (80 keli) jáne Beksultan Musahan (68 keli), Erasyl Orynbasar (74 keli), Nurlan Myrzabaev (87 keli) jartylaı fınalda súrinip, óz salmaǵynda úzdik úshtikti túıindedi.
Qazaqstan quramasy dástúrli básekege turaqty qatysyp keledi. Mysaly, osydan eki jyl buryn osynda Ulttyq qurama ókilderi 1 altyn, 3 kúmis, 3 qola júldege qol jetkizgen bolatyn.
