Taekvondodan Gran-prıdiń fınaldyq kezeńi Almatyda ótedi

ASTANA. KAZINFORM - Taekvondodan Gran-prıdiń fınaldyq kezeńi 2026 jyly Almaty qalasynda ótedi.

Bul sheshim Biirikken Arab ámirliginiń Fýdjeıra qalasynda ótken álemdik keńestiń otyrysynda qabyldandy. 

Qazaqstandyq delegatsııa tarapynan jasalǵan tusaýkeser rásimi halyqaralyq uıym tarapynan biraýyzdan qoldaý tapty. 

Eske salsaq, atalǵan týrnırdi ótkizýge 18 memleket ótinish bildirdi. Endi aldaǵy jyly Almaty qalasyna álemniń úzdik taekvondoshylary jınalady.

Gran-prı jarysynda 2028 jylǵy Olımpıada joldamasy sarapqa salynady.

Eske salsaq, budan buryn Qazaqstan quramasynyń sportshysy Hamzaalper Romashkın taekvondodan jastar arasyndaǵy (WT) álem chempıonatynda altyn medal jeńip aldy.