Taekvondo úzdikteri Mustafa Óztúrik júldesimen marapattaldy
ASTANA. KAZINFORM — Qazaqstan WT taekvondo federatsııasy 2024 jyly úzdik nátıje kórsetken sportshylar men bapkerlerdi marapattaý maqsatynda tuńǵysh ret Mustafa Óztúrik júldesin ótkizdi.
Astana tórinde ótken is-sharaǵa taekvondo sportyna úles qosqan otandyq mamandar túgel jınaldy. Federatsııa prezıdenti Qudyret Shamıevtiń aıtýynsha, bul jıyn sportshylarǵa úlken motıvatsııa beretin dástúrli is-sharaǵa aınalmaq.
— Qazir bizge úlken senim artylyp otyr. Osyndaı sátte biz tartynsaq, uıat bolady. Taekvondo sportynda ǵana emes, elimizdiń tarıhynda óshpes iz qaldyrǵan Mustafa Óztúrik esimi qaıta jańǵyrady. Byltyr Óztúriktiń mereıtoıy ótti. Alaıda, biz qyrkúıek aıynda ǵana kelgendikten, az ýaqyttyń ishinde daıyndalyp úlgermedik. Aldaǵy ýaqytta biz bul datany mindetti túrde atap ótemiz. Al komanda múshelerine, sportshylar men bapkerlerge qajyrly eńbek, sáttilik tileımin, — dedi Qazaqstan WT taekvondo federatsııasynyń prezıdenti Qudyret Shamıev.
Mustafa Óztúrik júldesi tómendegi sportshylar, tóreshiler men bapkerlerge tabys etildi:
Ulttyq qurama: Marıa Sevostıanova, Rıta Bakısheva, Samırhon Ababakırov, Batyrhan Tóleýǵalı;
Jasóspirimder komandasy: Nuralı Mahmud, Nuraı Qazynabek, Temirjan Tasqyn, Aıaýlym Saparalıeva, Beket Bolatuly, Aısulý Jańabaı, Aıatjan Ámirhanov;
Parataekvondodan ulttyq qurama: Nurlan Dombaev, Kamılıa Dosmalova, Mılana Krasavtseva, Álisher Garıpollaev, Marııam Sálimgereeva, Janbolat Qazıev, Abzal Ahmetkereı, Karen Ovsepıan;
Sýrdotaekvondodan ulttyq qurama: Dıas Rysbekov, Aıjamol Ábdiqatova;
Úzdik bapkerler: Esbol Sultanov, Nurjan Esilbaev, Nurbolat Jańbyrov, Jalǵas Bekqasymov;
Úzdik tóreshiler: Dáýren Alǵabaev, Rýslan Bakıev, Malıka Jandaeva, Aıdana Mahımova.
Mustafa Óztúrik júldesin ıelengen sportshylar estelik syılyqtar men qomaqty qarjylaı syıaqyǵa ıe boldy.
Buǵan deıin habarlanǵandaı, Anastasııa Gorodko frıstaıl-mogýldan kúmis medal enshiledi.