Tabysy tómenderge 85 400 teńge sýbsıdııa: Mınıstrlik jelidegi aqparatqa túsinik berdi

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi tabysy tómen azamattarǵa 85 400 teńge sýbsıdııa berý týraly jelide taraǵan aqparatqa jaýap berdi, dep habarlaıdy QazAqparat.

«Messendjerler men áleýmettik jelilerde taratylyp jatqan, jumyssyz azamattar men tabysy tómen qazaqstandyqtar 85 400 teńge mólsherinde memlekettik ekonomıkalyq sýbsıdııalarǵa ótinim bere alatyndyǵy týraly aqparat shyndyqqa janaspaıdy.

QR Eńbek jáne halyqty áleýmettik qorǵaý mınıstrligi Qazaqstanda mundaı sýbsıdııalar joq ekenin habarlaıdy.

Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdy suraımyz», - delingen mınıstrlik málimetinde.

Vedomstvo eske salyp ótkendeı, jalǵan aqparat taratý zań boıynsha jazalanady.