Tabıǵattyń tosyn minezi Qyzylorda halqyn ábigerge saldy
QYZYLORDA. KAZINFORM — Qyzylorda qalasynda 25 aqpan kúngi tabıǵattyń tosyn mineziniń saldaryn joıý baǵytynda qyzý jumys júrip jatyr.
Qala ákimdiginiń baspasóz qyzmeti habarlaǵandaı, keshe kóktaıǵaq kezinde jaıaý júrginshiler men kólik qozǵalysy shekteldi. Kommýnaldyq qyzmet kúsheıtilgen rejımge kóshirilip, qajetti sharalar qabyldandy.
— Qatty jeldiń saldarynan taldar synyp, elektr jelilerine zaqym keltirdi. Jaryq baǵanalary qulap, qalanyń birneshe aımaǵynda jaryq óshti. Elektr toraptary mekemesiniń mamandary jedel áreketke kóship, aqaýdy qalpyna keltirip jatyr. Bul jaǵdaıǵa túsinistikpen qaraýdy suraımyz, — delingen habarlamada.
Kommýnaldyq sala qyzmetkerleri qatty jelge shydamaı qulaǵan taldardy alyp, kósheler men jaıaý júrginshiler joldaryn qardan tazalap jatyr. Kóktaıǵaqtyń aldyn alý maqsatynda «Qyzylorda tazalyǵy» mekemesi arnaıy tehnıkalardyń kómegimen jolǵa qum-tuz qospasyn septi.
Buǵan deıin Shyǵys Qazaqstan oblysynda aýa raıynyń kúrt ózgerýi jol qozǵalysyn qıyndatqan edi.