Tabıǵatta órttiń aldyn alý úshin qandaı saqtyq sharalaryn ustaný kerek

ASTANA. KAZINFORM – QR Tótenshe jaǵdaılar mınıstrligi azamattardy orman jáne dala órtteriniń aldyn alý úshin tabıǵatta órt qaýipsizdigi talaptaryn qatań saqtaýǵa shaqyrdy.

Vedomstvonyń málimetinshe, tabıǵı órtterdiń týyndaý qaýpin azaıtý úshin azamattar myna talaptardy oryndaýy qajet:

• Janyp turǵan sirińke men temeki tuqylyn tastamaý;
• Orman jáne dala alqaptarynda ot jaqpaý;
• Tabıǵat aıasynda demalǵannan keıin shyny bótelke men áınek ydystardy ózińizben birge alyp ketý – kún sáýlesi áınekke túskende qurǵaq shóptiń tutanýyna sebep bolýy múmkin.
• Janatyn qoqysty shyǵarý, qurǵaq ósimdikterden tazalaý jáne eldi mekenderdiń aýmaǵyn jınaý jumystaryn júrgizý.

- Órt shyqqan jaǵdaıda dereý 101 nemese 112 nómirine habarlaý qajet, - delingen aqparatta.

Mınıstrlik orman jáne dala alqaptarynda órt qaýipsizdigi qaǵıdalaryn buzǵany úshin ákimshilik jaýapkershilik qarastyrylǵanyn eske saldy.

Aıta keteıik, elordada dámhanada bolǵan órt kezinde eki adam qutqaryldy.