Jumanǵarın: Úı janyndaǵy dúkender men shashtarazdar ıelerine bul reformadan qorqýdyń qajeti joq

ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın Salyq kodeksiniń jańa redaktsııasy shaǵyn jáne orta bıznes ókilderine qalaı áser etetine túsindirdi.

- Endi orta jáne shaǵyn bızneske arnalǵan arnaýly salyq rejımi týraly. Ol ońaılatylǵan deklaratsııa negizindegi arnaýly salyq rejımi dep atalady. Kiris lımıti – qazirgideı 600 myń aılyq eseptik kórsetkish bolyp saqtalady. Qyzmetkerler sany boıynsha shekteýler alynyp tastalady. Mólsherleme - 4% jáne ony máslıhattar 50%-ǵa deıin tómendetýi múmkin, - dedi mınıstr.

Serik Jumanǵarın úı janyndaǵy dúkender men shashtaraz ıelerine jeke toqtaldy.

- Úkimet rejımdi tek belgili bir qyzmet túrlerine qoldanýdy usyndy jáne basty shart – tek B2C operatsııalary.

Bul rette V2V operatsııalary arnaýly rejım sheńberinde ǵana júzege asyrylýy múmkin. Eger jalpyǵa birdeı belgilengen rejımde jumys isteıtin salyq tóleýshi taýardy nemese qyzmetti «arnaýly rejımshiden» satyp alsa, onda onyń mundaı shyǵyndardy shegerýge quqyǵy joq. 

Qyzmet túrleriniń sanyn Úkimet retteıtin bolady. Osylaısha, «úı janyndaǵy» dúkender, shashtarazdar jáne halyqpen jumys isteıtin kásipkerler osy sharttarǵa sáıkes keledi jáne qosylǵan qun salyǵyn tóleýshi bolmaıdy. Olarǵa qorqýdyń qajeti joq, - dedi vıtse-premer.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.