Sybaılas jemqorlyqqa qarsy qyzmet tóraǵasynyń birinshi orynbasary Oljas Bektenov Kókshetaýda boldy
Óńir ákimi Ermek Marjyqpaevpen jáne Іshki ister mınıstriniń orynbasary Alekseı Kalaıchıdımen birge Oljas Bektenov «Tsıfrlyq Qazaqstan» memlekettik baǵdarlamasyn iske asyrý sheńberinde qurylǵan «Smart Aqmola» mekemesine baryp, platformanyń aqparattyq-kommýnıkatsııalyq tehnologııalar bazasymen tanysty.
Atap aıtqanda, halyqqa kórsetiletin qyzmetterdiń jedeldigi men ashyqtyǵyn qamtamasyz etý sheńberinde «Smart Aqmola» ofısi kólik quraldary monıtorınginiń biryńǵaı júıesin, oqıǵalar kartochkalaryn dıspetcherleý júıesin, tsıfrlyq kartografııalyq qamtamasyz etý júıesin, shaqyrýlardy qabyldaýǵa arnalǵan tsıfrlyq IP telefonııa júıesin jáne barlyq kezekshi-dıspetcherlik qyzmetter júıesin qamtıtyn «112» biryńǵaı kezekshi-dıspetcherlik qyzmetti iske asyrady.
Sondaı-aq, munda halyqtyń tynys-tirshiligin qamtamasyz etý jáne qaýipsizdigi máseleleri boıynsha ótinishterdi táýlik boıy qabyldaýdy kózdeıtin «109» biryńǵaı baılanys ortalyǵy jumys isteıdi. Budan basqa, oblys óńirleriniń ákimdikterinde «Nátıje» azamattardyń ótinishterin biryńǵaı qabyldaý ortalyǵy» pılottyq jobasy iske asyrylýda, sondaı-aq «Smart Aqmola» aqparattyq - taldaý júıesi bazasynda «Sapaly jol-Adaldyq alańy» jobasyn tsıfrlandyrýdy qamtamasyz etý josparlanýda.
«Búgingi tańda tsıfrlandyrý - sybaılas jemqorlyqqa qarsy is-qımyldyń eń tıimdi quraldarynyń biri. Óıtkeni, tsıfrlyq tehnologııalardy qoldaný memlekettik qyzmetterdiń tıimdiligin arttyrýǵa, memlekettik organdar jumysynyń transparenttiligin qamtamasyz etýge múmkindik beredi», - dep atap ótti Oljas Bektenov sapar barysynda.
Sonymen qatar, Agenttik pen ІІM basshylyǵy Qazaqstan men Reseıdiń óńiraralyq yntymaqtastyq forýmyna daıyndyq aıasynda salynǵan «Volashaq ѕagaiý» balalar men jasóspirimder saraıynyń qyzmetimen tanystyrdy.
Saraı eki ǵımarattan turady - A jáne B bloktary. A blogynda IT-, ǵylymı-tehnıkalyq jáne shyǵarmashylyq baǵyttaǵy zerthanalar men synyptar bar, B blogy – sporttyq. Búgingi tańda «Volashaq ѕagaiý» bazasynda 1600-den astam kókshetaýlyq oqýshy 61 úıirmege tegin qatysady. Saraı jumysynyń strategııalyq maqsaty neǵurlym beıimdelgen jastardy Jahandyq básekege neǵurlym beıimdelgen jastardy tárbıeleý, bilim alýshylardyń ashyqtyq, pragmatızm men básekelik qabilet sııaqty sanany jańǵyrtýdyń negizgi qaǵıdalaryn qoǵamda ornyqtyratyn basty kúshke aınaldyrý bolyp tabylady.
Oljas Bektenov atap ótkendeı, aqparattyq tehnologııalar jastarǵa mobıldi, kommýnıkabeldi, qorshaǵan ortada bolyp jatqan ózgeristerge tez jaýap berýge múmkindik beredi. Óskeleń urpaqtyń boıynda jańa qundylyqtar qalyptasady, osy qundylyqtar ınnovatsııalyq tehnologııalardyń áserinen jeke jáne ǵylymı-tehnıkalyq áleýetti, sondaı-aq rýhanı-adamgershilik qasıetterdi damytýǵa baǵyttalýy kerek.
