Sý tasqyny. Óńirlerdegi jaǵdaı qandaı
ASTANA. KAZINFORM – Qazaqstannyń ártúrli óńirlerinde yqtımal sý basý men sý tasqyny qaýpin azaıtý maqsatynda sý tasqynyna qarsy belsendi is-sharalar jalǵasýda, dep habarlaıdy TJM.
TJM áskerı bólimderiniń áskerı qyzmetshileri sý tasqynynyń aldyn alý sharalaryn kúsheıtý úshin Jambyl, Qostanaı jáne Soltústik Qazaqstan oblystaryna jiberildi.
TJM 20982 áskerı bóliminiń áskerı qyzmetshileri Aqtóbe oblysynda Hromtaý aýdanynyń Qudyqsaı kentinde ınertti materıaldardy daıyndaý jáne Qobda aýdanynyń Qobda kentinde uzyndyǵy 200 metr aryqtardy qardan tazartý jumystaryn júrgizdi. Áskerı qyzmetshiler men qutqarýshylar Aqtóbe qalasynda uzyndyǵy 150 metr muz jamylǵysyn álsiretý jáne muz kesý jumystaryn júrgizdi. Sondaı-aq oblysta TJD jáne jergilikti atqarýshy organdardyń kúshterimen qar shyǵarý, sý aǵyndaryn tazartý, jaǵalaýlardy nyǵaıtý, bógetter jasaý jáne sýdy burý, muz kesý jumystary júrgizildi. Budan basqa Aqtóbe qalasyndaǵy, Shalqar, Temir jáne Yrǵyz aýdandaryndaǵy kóshelerden erigen qar sýyn sorý jumystary júrgizildi.
Shyǵys Qazaqstan oblysynda Altaı jáne Turǵysyn aýdandaryndaǵy Buqtyrma ózeninde 16920 sharshy metr alańda jarylys jumystary júrgizildi.
Batys Qazaqstan oblysynda Oral qalasyndaǵy jáne Bórli, Aqjaıyq aýdandaryndaǵy Shyńǵyrlaý, Bórli, Ulytaý, Shaǵan jáne Derkól ózenderinde jarylys, muz qabatyn álsiretý jumystary júrgizildi. Sondaı-aq TJM 20982 áskerı bóliminiń áskerı qyzmetshileri men TJD qutqarýshylary Qaratóbe aýdanynyń Qaratóbe aýylynda ınertti materıaldardy daıyndaý boıynsha jumystar júrgizdi.
Terekti aýdany men Oral qalasynyń mańyndaǵy joldar arqyly sý tasýyna qardyń tez erýi sebep boldy, biraq eldi mekenderdi sý basý qaýpi joq. Aýdanda kezekshilik uıymdastyryldy.
Qaraǵandy oblysynda Buqar Jyraý aýdanyndaǵy Ótkelsiz ózeninde jáne Buqar Jyraý aýdanyndaǵy Nura ózeninde jarylys, muz jamylǵysyn álsiretý jumystary júrgizildi. Sondaı-aq TJM 52859 áskerı bóliminiń áskerı qyzmetshileri jaǵalaý jelisin nyǵaıtý jáne Qarasý ózeninde 330 metr qashyqtyqta jer biligin turǵyzý jumystaryn júrgizdi.
Qostanaı oblysynda TJM 68303 áskerı bóliminiń áskerı qyzmetshileri Qarasý aýdanynyń Jambyl aýylynda ınertti materıaldar salynǵan qaptar daıyndaý jumystary júrgizildi. TJM 52859 áskerı bóliminiń áskerı qyzmetshileri Jangeldi aýdanynyń Aqkól jáne A.Baıtursynov aýyldarynda, Amangeldi aýdanynyń Aqsaı jáne Amangeldi aýyldarynda aýla aralady, barlyǵy 400-ge jýyq úı qamtyldy.
Soltústik Qazaqstan oblysynda Esil jáne Qyzyljar aýdandarynyń mańyndaǵy Esil ózeniniń 5510 sharshy metr alańynda jarylys jumystary júrgizildi. Sondaı-aq TJM 52859 áskerı bóliminiń áskerı qyzmetshileri Qyzyljar aýdanynyń Beskól, Teplıchnoe, Prıbrejnoe aýyldarynda polıpropılen shatyrlaryn tóseý, ınertti materıaldar salynǵan qaptardy daıyndaý jáne tóseý jumystaryn júrgizdi.
Mańǵystaý oblysynda qardyń erýinen Munaıly aýdanynda jerasty sýynyń deńgeıi kóterildi, bul úıler men aýlalardy sý basýǵa ákeldi. TJD jáne JAO kúshteri sý sorý jumystaryn jalǵastyrýda.
Elimizde sý tasqynyna qarsy jumystar jalǵasýda. Halyqtyń qaýipsizdigin qamtamasyz etý jáne apattardyń aldyn alý maqsatynda TJM kúshteri men jergilikti atqarýshy organdardy qosa alǵanda, barlyq qajetti resýrstar jumyldyrylýda.
Sý tasqyny saldaryn boldyrmaý úshin muz qabatyn álsiretý, ózen jaǵalaýlaryn nyǵaıtý, sondaı-aq qardy shyǵarý jáne sý sorýdy qosa alǵanda, keshendi sharalar qabyldanýda.
Buǵan deıin habarlanǵandaı, Qanat Bozymbaev Ulytaý óńiriniń kóktemgi sý tasqynyna daıyndyǵyn tekserdi.