Sýrgýttyń ústinen meteorıtke uqsas zat ushyp ótti

MANSIISK. QazAqparat - Senbi kúni keshkisin Sýrgýt pen Nefteıýgansktyń áleýmettik jeli paıdalanýshylary aspanda ushyp bara jatqan jarqynshaqtardyń vıdeojazbasyn taratty. Turǵyndar bul qubylysqa qatysty ártúrli boljamdar keltirdi. Olardyń ishinde meteorıt qulady nemese ǵarysh raketasy ushty degen boljamdar da boldy, dep habarlaıdy QazAqparat tilshisi RIA Novostıge silteme jasap.

TJM-niń aımaqtyq basqarmasynda málim etkendeı, Hanta-Mansıısk avtonomdyq okrýginiń turǵyndarynan óńirdiń iri qalalarynyń ústinen meteorıtke uqsas belgisiz zattyń ushqany týraly arnaıy habarlama kelip túspegen.

«Aıtarlyqtaı mańyzdy habarlama kelgen joq. Bar bolǵany adamdar belgisiz nárseniń ushqanyn kórgenin jetkizdi. Ne ushqanyn eshkim bilmeıdi» , - dedi vedomstvo ókili.

Nefteıýgansktyń Biryńǵaı kezekshilik-dıspetcherlik qyzmetinde turǵyndar beıtanys obekti jóninde habarlama jibermegenin aıtty. Sýrgýt qalasynyń BKDQ pikir bildirýden bas tartty.