«Sultandar» graffıtıi álemniń úzdik týyndylary qataryna kirdi

ASTANA. QazAqparat - Elordalyq sýretshi Dmıtrıı Levochkın salǵan «Sultandar» graffıtıi álemniń úzdik týyndalarynyń biri retinde moıyndaldy. Jaǵymdy jańalyqty Astananyń Saryarqa aýdanynyń ákimi Arman Turlybek Facebook-tegi paraqshasynda jarııalady, dep habarlaıdy QazAqparat.

«Strıt-artqa mamandanǵan, álemdegi eń bedeldi basylymdardyń biriniń Instagramynda @urbanfestastana festıvali aıasynda salynǵan graffıtılerdiń biri jarııalandy! @streetartnews» - dep jazdy ákim.

Aıta keteıik, tanymal aǵylshyn portaly «StreetArtNews» - zamanaýı qala óneri týraly jazatyn, búkil álemdegi graffıtı týyndylaryn jarııalap otyratyn bedeldi basylym.

«Urban Art Astana» - Astanadaǵy alǵashqy kóshedegi óner týyndylarynyń festıvali. Dmıtrıı Levochkın tańdaǵan taqyryp Qazaqstannyń tarıhy men dástúrlerin nasıhattaıdy. Sýretshi optıkalyq grafıkany fon retinde paıdalanyp, 3D formatynda tól sýretter salady. Úzdikter qatarynda atalǵan týyndysy tóre tuqymynyń ókiline arnalǵan.