Sýdıanyń kásiptik mindetterin atqarýǵa kedergi keltiretin aýrýlar tizbesi bekitildi
ASTANA. KAZINFORM – Sýdıanyń kásiptik mindetterin atqarýǵa kedergi keltiretin aýrýlardyń tizbesin bekitý týraly Densaýlyq saqtaý mınıstri men Sot ákimshiligi basshysynyń birlesken buıryǵy jarııalandy. Qujat Normatıvtik quqyqtyq aktiler bankinde jarııalandy.

Osy jyldyń 25 aqpanynda rásimdelgen buıryq resmı jarııalanǵan kúninen keıin kúntizbelik on kún ótken soń qoldanysqa engiziledi.
Sonymen qatar Joǵary Sot janyndaǵy Sot ákimshiligi jónindegi komıtet tóraǵasynyń 2007 jyldaǵy 17 qańtardaǵy № 15-p jáne Qazaqstan Respýblıkasy Densaýlyq saqtaý mınıstriniń 2007 jylǵy 17 qańtardaǵy № 18 birlesken buıryǵynyń kúshi joıylady.
Sýdıanyń kásiptik mindetterin atqarýǵa kedergi keltiretin aýrýlarynyń tizbesi:
- Aıqyn qımyl buzylýlary bar ekstrapıramıdalyq qurylymdary aıryqsha zaqymdanǵan nerv júıesi aýrýlary
- Pıramıdalyq jáne mıshyqtyq júıeniń aıryqsha zaqymdanǵan nerv júıesi aýrýlary
- Sırıngomıelııa jáne sırıngobýlbııa
- Búıirlik amıotrofıkalyq skleroz
- Kognıtıvtik fýnktsııalary (Altsgeımer, Pık aýrýlary jáne basqalar) aıryqsha buzylǵan degeneratıvtik aýrýlar
- Epılepsııa jáne ártúrli etılogııanyń epılepsııalyq sındromdary
- Jaıylmaly skleroz
- Dıffýzııaly skleroz (Shılder leıkoentsefalıti men basqalar)
- Fýnktsııasy turaqty buzylǵan nerv-bulshyq et aýrýlary
- Insýlt, turaqty qımyl jáne sezimtaldyq buzylýy men joǵary psıhıkalyq fýnktsııalary buzylýynyń saldary
- Fýnktsııasy turaqty buzylǵan mynadaı endokrındik júıe aýrýlary:
- týa bitken ıod jetispeýshiligi sındromy;
- dıffýzııaly zoby bar týa bitken gıpoterıoz;
- týa bitken zobsyz gıpoterıaz;
- ІІІ-ІV dárejedegi endokrındik oftalmopatııasymen aýyr túrdegi jaıylmaly zoby bar tıreotoksıkoz;
- 1 tıpti ınsýlınge táýeldi qant dıabeti, aýyr túri, turaqty túrde bolmaıtyn;
- aýyrlyǵy orta jáne aýyr nysandaǵy akromegalııa, belsendi satysy jáne gıpofızarly irilik;
- aýyrlyǵy ortasha jáne aýyr nysandaǵy Itsenko-Kýshıng aýrýy, Nelson sındromy;
- alveolıarly gıpoventılıatsııadan bolatyn, semirýdiń eń sońǵy dárejesi;
- tolyq gıpopıtýıtarızm, aýyr nysany, turaqty túrde bolmaıtyn;
- gıpofızdi nanızm;
- fýnktsııasy turaqty buzylǵan endokrındik organdardyń isikteri. - Ortalyq nerv júıesiniń fýnktsııalary aıqyn buzylǵan qatersiz isikteri
- Gemoblastozdar:
- kókbaýyrdyń erıtermııadan keıingi mıeloıdty metaplazasy bar erıtermııa;
- akseleratsııa men blasty krız satysyndaǵy sozylmaly mıeloleıkoz;
- turaqty anemııadan bolatyn sozylmaly lımfoleıkoz;
- lımfogranýlomatoz (is júzinde saýyqqandardy qospaǵanda);
- jiti leıkoz (is júzinde saýyqqandardy qospaǵanda);
- kóptegen mıeloma (2-3 dárejesi);
- gemofılııa;
- Vıllı-Brand aýrýy;
- ıdıopatııalyq trombotsıtopenııalyq pýrpýra (tıimsiz splenektomııa kezinde);
- Randıý-Osler aýrýy (gemorragııalyq sındrom kezinde);
- tuqym qýalaıtyn trombotsıtopatııalar (gemorragııa bolǵan jaǵdaıda) - Gemorragııalyq dıatezder
- ІІІ dárejeli qan aınalym qyzmetiniń jetkiliksizdigi (QJ) bar júrek jáne júrekqaptyń sozylmaly aýrýlary
- Júrektiń ıshemııalyq aýrýy: stenokardııanyń jıi ustamalary (fýnktsııalyq klass (FK) ІІІ-ІV)
- ІІІ satydaǵy gıpertonııalyq aýrý
- Yrǵaqtyń buzylýymen qatar júretin júrek aýrýlary:
- JQJ 1 mınýtta keminde 50 nemese esten taný jaǵdaılarymen qatar júretin sınýstyq túıin, A-V blokadalar fýnktsııasynyń buzylýy;
- ustamaly qarynsha tahıkardııasy, qarynsha ekstrasıstolııa (Laýn boıynsha ІІІ-ІV);
- EKG-da QT ıntervalyn 440 mıllısekýndtan asa uzartý. - Qolqa men arterııanyń kez-kelgen bólimderiniń anevrızmderi men qatparlanýy
- Kesh satydaǵy revamatoıdty artrıt
- Basqa organdar nemese júıeler zaqymdalǵan júıelik qyzyl jegi
- Barlyq satydaǵy údemeli júıelik skleroz
- 2-3-dárejedegi búırek qyzmetiniń jetkiliksizdigi bar sozylmaly gepatıttiń aıqyn nysandary
- Portaldy gıpertenzııasy bar baýyr tsırrozy
- Іsh ótý sındromy men jıi qan ketýi bar toq ishektiń tuqymynda bar dıffýzııaly polıpozy
- Kron aýrýy jáne jıi asqynýlary men qaıtalaǵan qan ketýleri bar basqa da tán emes kolıtter
- 2-3 satyly sozylmaly búırek qyzmetiniń jetkiliksizdigi bar (SBJ) sozylmaly búırek aýrýlary
- Vestıbýlıarly qyzmettiń buzylýy, onyń ishinde Mener aýrýy
- Bir jáne eki jaqty (sybyrlap sóıleýdi keminde 3 metrden qabyldaý) estýdi elektroakýstıkalyq túzetýmen (estý apparattaryn kem degende 6 metrden sybyrlap sóıleýdi qabyldaý deńgeıine deıin tańdaý) jaqsartý múmkin bolmaǵan jaǵdaıda onyń kez-kelgen etıologııasynyń turaqty tómendeýi
- Kózdiń kórmeýi
- Sozylmaly aýyr turaqty nemese jıi órshıtin aýyrsyný kórsetilimderi bar psıhıkalyq minez-qulyqtyq buzýshylyq
- Psıhıkaǵa belsendi áser etetin zattardy tutynýdan týyndaǵan psıhıkalyq minez-qulyqtyq buzýshylyq
- Psorıaz, kúldireýik, ıhtıoz nysanyndaǵy dermatozdardyń aýyr nysandary
- Kemel jastaǵy jeke bastyń jáne minez-qulyqtyń aýytqýlary, jynys ıdentıfıkatsııasynyń jáne seksýaldyq tańdaýdyń aýytqýlary, seksýaldyq baǵytqa baılanysty minez-qulyqtyń aýytqýlary
- Kómeı, keńirdektiń moıyn bóliminiń aýrýlary jáne zaqymdanýlary (tynys alý jáne (nemese) daýys qyzmetteriniń edáýir buzylýy bar, tynys alý jáne (nemese) daýys qyzmetteriniń ortasha buzylýy bar)
- Júre paıda bolǵan jaq-bet súıegi organdarynyń jáne tinderiniń aqaýlary, maıysýlary jáne syrqattar (tynys alý, silekeı bólý qyzmetteriniń edáýir buzylýlary bar).
Eske salsaq sýdıanyń kásibı qyzmetin baǵalaý ádistemesine túzetýler engizilgen edi.