Sýdy yntymaqtastyq qurý resýrsy retinde qarastyrý qajet — mınıstr
SAMARQAND. KAZINFORM — Ózbekstanda ótip jatqan Klımat forýmy aıasynda QR Sý resýrstary jáne ırrıgatsııa mınıstri Nurjan Nurjigitov Kazinform tilshisine suhbat berip, sý tapshylyǵy máselesin sheshýge baǵyttalǵan jobalardyń barysyn baıandady.
— Sý resýrstary kóleminiń qysqaryp bara jatqanyn barlyq sarapshy aıtyp júr. Tirshilik nárin paıdalanýdy retteýden bólek, sýdy yntymaqtastyq qurý resýrsy retinde qarastyrý kerek. Bul másele birlesken sheshimderdi talap etedi, — dep málim etti mınıstr.
Nurjan Nurjigitovtiń aıtýynsha, Qazaqstannyń Halyqaralyq sý-energetıka konsortsıýmyn qurý bastamasy osy yntymaqtastyqty ilgeriletý jolyndaǵy mańyzdy qadam.
— Qazaqstan Ortalyq Azııa elderiniń Halyqaralyq sý-energetıka konsortsıýmyn qurýmen aınalysatyn jumys tobyn qurdy. Sý men energetıka bir-birimen tyǵyz baılanysty, ekeýin bólek qarastyrýǵa bolmaıdy. Sonymen qatar sýdy únemdeý máselesin tıimdi sheshý qajet. ıAǵnı, sý kóleminiń qysqarýy ekonomıka sektorlaryna teris áser etpeýi kerek. Bul másele damýǵa kedergi bolmaýy tıis. Bul rette utymdy únemdeý jobalaryn qolǵa aldyq, — dedi vedomstvo basshysy.
Mınıstr osy kúnderi Samarqand qalasynda ótip jatqan Klımat forýmy atalǵan máselelerdi sheshý jolynda ózara is-qımyldardy pysyqtaý úshin asa mańyzdy ekenin atap ótti. Onyń barysynda Eýropa Odaǵy tarapynan Ortalyq Azııa elderine qarjy tartý jáne tájirıbelik qoldaý kórsetý múmkindigi talqylandy.
— Biz Eýropa elderinde bar ınnovatsııalyq sheshimderdi Ortalyq Azııaǵa, onyń ishinde Qazaqstanǵa beıimdeýimiz kerek. Atap aıtqanda, qazirgi ýaqytta Germanııanyń GIZ kompanııasy bizge jerasty sýlaryn zerttep, monıtorıng júrgizip, taldaý jasaıtyn aqparattyq júıeni bizge usynyp otyr. Bul júıe burynnan bar jáne tıimdi jumys istep keledi. Endi biz ony ózimizdiń elge beıimdeýimiz qajet, — dep jaýap qatty Nurjan Nurjigitov Kazinform tilshisiniń saýalyna jaýap bere otyryp.
Buǵan qosa vedomstvo basshysy AFD frantsýz kompanııasymen QR Sý resýrstary jáne ırrıgatsııa mınıstrligi arasynda jasalǵan kelisimge toqtaldy. AFD qazaqstandyq tarapqa quny 1,35 mln dollar bolatyn grant usyndy. Bul qarajatqa Іle-Balqash basseınine zertteý júrgiziledi jáne 2040 jylǵa deıin atqarylýy tıis jumystardyń jospary bekitiledi.
Eske salaıyq, osy kúnderi Ózbekstannyń Samarqand qalasynda Klımat forýmy ótip jatyr. Keshe is-sharanyń ashylý saltanatyna Memleket basshysy Qasym-Jomart Toqaev qatysyp, sóz sóıledi. Onda Prezıdent Ortalyq Azııa óńirindegi jahandyq jylyný álemdegi ortasha kórsetkishten eki ese jyldam júrip jatqanyna toqtaldy.
Sonymen qatar atalǵan forýmǵa qatysqan QR Ekologııa jáne tabıǵı resýrstar mınıstri Erlan Nysanbaev klımattyń ózgerýi máselesi aımaqtyq aýqymda tıimdi sheshilýi kerek ekenin málimdedi.