Sý tasqynyna daıyndyq: Qoımalardyń jaǵdaıy qandaı
Onyń aıtýynsha, tasqyn kezeńi ońtústik aımaqtarda qańtardyń aıynyń sońynan bastalyp, naýryzdyń basyna deıin, al qalǵan aımaqtarda naýryzda bastalyp, sáýirdiń aıaǵyna deıin jalǵasady. Respýblıka boıynsha sý tasqyny kezeńi orta eseppen 4-5 aıǵa sozylady.
Kóktemgi sý tasqyny kezeńiniń ótýine birneshe faktorlar áser etedi. Bul aýa raıy, qar qory, nysandardyń tasqyn sýlardy ótkizýge daıyndyǵyna baılanysty.
«Aqpan aıynda «Qazgıdromet» kóktemgi sý tasqyny qaýpi bar aımaqtardy anyqtaý úshin ylǵal qorynyń kólemi men topyraqtyń qatý tereńdigi týraly habarlaı bastaıdy. Sondaı-aq, sý tasqyny kezeńinde qaýipti gıdrologııalyq qubylystardy ýaqtyly anyqtaý, gıdrotenıkalyq qurlystar jaǵdaıyn baqylaý úshin «Qazgıdromet» derekterdi aldyn ala jiberetin bolady, sonyń negizinde sý qoımalarynyń jumys rejımi túzetiledi», - dedi Erbol Salyqbaev.
Efır barasynda maman bıylǵy jyly da sý tasqynynyń aldyn alý maqsatynda qandaı sharalar qabyldanǵanyna toqtaldy.
«Qazirgi kezde iri sý qoımalarynyń jumysy josparly túrde kelisilgen rejımde júrip jatyr. Tótenshe jaǵdaı týyndaǵan jaǵdaıda qajetti qurylys jáne basqa da ınertti materıaldar, qaptar qory daıyndaldy, sondaı-aq tıisti arnaıy tehnıka daıyndaldy jáne janar-jaǵarmaı ázirlendi. Sý tasqynynan ótýge osal obektilerge erekshe kóńil bólindi», - dep atap ótti spıker.
Erbol Salyqbaev búgingi kúni «Qazsýshar» RMK balansynda respýblıkalyq menshiktegi 5749 sý sharýashylyǵy jáne gıdromelıoratıvtik nysan, onyń ishinde 86 sý qoımasy, 83 sý toraby, 36 bóget, 102 sorǵy stantsııasy, 1 bas qurylys, 3448 kanal jáne basqa da sý sharýashylyǵy nysandary bar ekenin aıtty.
«Barlyq sý qoımalary bekitilgen kestege sáıkes jumys istep tur jáne kóktemgi sý tasqynyn qabyldaýǵa arnalǵan syıymdylyq qory bar. Eger olar jobalyq kólemge deıin toltyrylyp, úlken tasqyn sýlar kelgen jaǵdaıda, nysandar tranzıttik rejımde jumys isteıtin bolady», - dep atap ótti «Qazsýshar» RMK bóliminiń basshysy.
