Sý tasqynyna qarsy sharalarǵa bólingen qarajatty urlaǵandar sottaldy
ASTANA. KAZINFORM – Aqmola oblysynda sý tasqynyna qarsy sharalarǵa bólingen qarajatty urlaǵandarǵa qatysty sot úkimi shyqty.
- 05.06.2025 jyly 300 mln teńgeden astam qarajatty jymqyrǵany úshin Atbasar aýdanynyń ákimdigine qarasty qurylys bólimi, «Prestıj Stroı 7» jáne «Fýndamental» JShS-niń basshylaryna qatysty sot úkimi shyqty. Esterińizge sala keteıik, atalǵan qarajattar 2021 jyly Úkimet rezervinen Atbasar aýdanynda sý tasqyny aımaǵynda turatyn 200 januıany kóshirý úshin eki 100 páterli úılerdi salýǵa bólingen. Іsti Aqmola oblysynyń arnaıy prokýrorlary tergegen bolatyn, - delingen oblystyq prokýratýra habarlamasynda.
Sot úkimimen jymqyrýǵa qatysqan tulǵalar QR Qylmystyq kodeksiniń 189 baby 4 bóligi (asa iri kólemde jymqyrý) jáne 218 baby (qylmystyq jolmen alynǵan aqshany jáne ózge múlikti zańdastyrý (jylystatý) boıynsha 8,6 jáne 7,6 jylǵa bas bostandyǵynan aıyrý jáne múlikterin konfıskatsııalaý jazalaryna tartyldy.
Sot úkimi zańdy kúshine engen joq.
Aıta keteıik, Aqmola oblysynda sý qoımalaryn kópfaktorly tekserý jumystary bastaldy.