Sý tasqyny. Ulytaýdyń TJ quramy «joǵary daıyndyq» rejımine kóshti

ASTANA. KAZINFORM — Ulytaý oblysynyń aýmaǵyn kóktem mezgilindegi sý tasqynynan qorǵaý maqsatynda oblys ákiminiń ókimimen is-sharalar jospary bekitilip, arnaıy shtab jumys isteýde.

Oblys ákimdigi taratqan aqparatqa sáıkes qazirgi ýaqytta quram «joǵary daıyndyq» rejıminde.

Tıisti qalalyq bólimder men uıymdar materıaldyq-tehnıkalyq quraldar men ınertti materıaldar qory daıyndaldy: 

— 72 tonna janar-jaǵarmaı;

— 10,5 tonna azyq-túlik;

— 4000 tonna ınertti materıal;

— 14 000 dana qap.

Sý tasqynyn boldyrmaýdyń taǵy bir joly — eldi mekenderde júıeli túrde qar kúreý jumystary.

— Búgingi tańda oblys aýmaǵynda 250 myń m3 qar shyǵarylǵan, jumystar jalǵasýda. Ulytaý oblysynyń aýmaǵynda zardap shekken halyqty ýaqytsha qabyldaýǵa arnalǵan 44 qabyldaý pýnkti daıyndalǵan. Bul oryndardyń jalpy syıymdylyǵy 34218 adamdy quraıdy, — delingen habarlamada. 

Josparǵa sáıkes sý tasqynyna beıim eldi mekenderdi, sý tasqynyna qarsy bógetterdi, gıdro tehnıkalyq qurylystardy, avtomobıl joldaryn, evakýatsııalyq pýnktterdi sonymen qatar jumyldyrylatyn kúsh quraldardy negizge ala otyryp topografııalyq karta ázirlendi.

Buǵan deıin habarlanǵandaı, Ulytaý oblysynyń ákimi Dastan Ryspekov sý tasqynyna daıyndyq barysyn tekserdi.