Sý tasqyny: respýblıka boıynsha 41 myńnan astam adam óz shańyraǵyna oraldy
ASTANA. KAZINFORM – Azamattyq qorǵaý kúshteri, áskerı qyzmetshiler, jergilikti atqarýshy organdar, eriktiler, belsendiler sý tasqynyna qarsy jáne qalpyna keltirý jumystaryn jalǵastyrýda.
QR Tótenshe jaǵdaılar mınıstrliginiń ókili Asqar Shárip Ortalyq kommýnıkatsııalar alańynda ótken brıfıngte Atyraý oblysy erekshe baqylaýda turǵanyn aıtty.
«Jaıyq ózeni sý deńgeıine monıtorıng jalǵasýda. Bógetterdi nyǵaıtý jumystary júrgizilip jatyr. Ótken táýlikte Inder, Mahambet, Isataı, Qurmanǵazy aýdandarynda 37 myń qapshyq, 685 tonna ınertti materıal tóseldi. Qulsary qalasynda sý basqan aýmaqtan jyljymaly sorǵy stantsııasy men motopompa kómegimen 216 myńnan astam tekshe metr sý soryldy», - dedi ol.
Osy ýaqytqa deıin respýblıka boıynsha 41 myńnan astam adam óz úılerine oralǵan. 6 405 adam áli evakýatsııalaý pýnktterin panalap otyr.
