Sý tasqyny. Qulsaryǵa Atyraý men Mańǵystaýdan kómek keldi

ATYRAÝ. KAZINFORM — Atyraý oblysyndaǵy Qulsary qalasyna kómekke kelgen sarbazdar men mańǵystaýlyq tótenshelikter bóget salýǵa kiristi.

Jylyoı aýdandyq ákimdiginiń aqparatyna súıensek, qaýip tónip turǵan aýmaqtarda tasqynǵa qarsy jumystar atqarylyp jatyr.

— Qulsary qalasyna Atyraýdaǵy áskerı bólimderden 150-ge jýyq sarbaz keldi. Sarbazdar kúndiz-túni bógetterde kezekshilik atqaryp, jaǵdaıdy baqylaýda ustaıdy, — dep habarlady aýdandyq ákimdikten.

Sondaı-aq, Turǵyzba aýyldyq okrýginde jaǵa bekitý jumystary júrgizilip jatyr.

— Atalǵan aýmaqta Mańǵystaý oblystyq tótenshe jaǵdaılar salasynyń 55 qyzmetkeri men 30 áskerı sarbaz jaǵa bekitý jumystaryna kiristi. Salynǵan ár bógetke táýlik boıy kezekshilik qoıyldy. Sý tasqynynyń ahýaly baqylaýǵa alyndy. Al 18 naýryzda tasqyn sý qaýpi tónetin aýmaqtardan tórt túlik shyǵaryla bastady, — dep málim etti aýdandyq ákimdikten.

Eske sala keteıik, buǵan deıin Irekli sý qoımasynan qansha sý kelip jatqanyn habarlaǵan bolatynbyz.