Sý tasqyny: ınterneti nashar aýyldar Starlink júıesine qosylmaq

ASTANA. KAZINFORM – Eldegi sý tasqynyna qaramastan balalarǵa bilim berý jumysy jalǵasyp jatyr. 

«Internet jyldamdyǵy nashar aýyldyq mektepterdi Starlink júıesine qosý boıynsha jumystar júrgizilip jatyr», - dedi Oqý-aǵartý mınıstrliginiń resmı ókili Mereke Amangeldiqyzy Ortalyq kommýnıkatsııalar qyzmeti alańynda ótken baspasóz máslıhatynda.

Eske sala ketsek, byltyr Úkimette ınternet jyldamdyǵy nashar 2000 aýyl mektebin Starlink joǵary jyldamdyqty ınternetke qosý máselesi talqylanǵan edi. 

Buǵan deıin habarlaǵanymyzdaı elimizdiń topan sý basqan óńirlerde 80 bilim berý uıymy onlaın oqý formatqa kóshti. Sonymen qatar balalarǵa psıhologııalyq kómek kórsetilip jatyr.