Sý tasqyny densaýlyqqa qandaı zalal ákelýi múmkin – maman pikiri
ASTANA. KAZINFORM – Nazarbaev ýnıversıtetiniń professory, doktor ári ǵalym, densaýlyq saqtaýdyń tıimdi júıelerin zertteıtin dáriger Antonıo Sarrııa-Santamera sý tasqynynyń yqtımal qaýipteri týraly pikirimen bólisti.
«Sý tasqyny – zardap shekken aımaqtardaǵy adamdardyń densaýlyǵyna áser etedi. Epıdemıologııalyq turǵydan, eń aldymen, adamdardyń baılanysýy arqyly juqpaly aýrýlardyń ósý qaýpi bar. Ekinshiden, sozylmaly aýrýǵa ushyraǵan adamdardyń medıtsınalyq kómekke qol jetimdiliktiń buzylýymen baılanysty bolýy múmkin. ıAǵnı adamnyń kúrdeli jaǵdaılarǵa tap bolýy, jetkiliksiz tamaqtaný, taza sý, densaýlyqtyń nasharlaýyna alyp kelýi yqtımal», - dedi Antonıo Sarrııa-Santamera.
Mamannyń málimdeýinshe, qazir sý basqan óńirler turǵyndaryn taza aýyz sýmen qamtý mańyzdy.
«Sý tasqynyna ushyraǵan aýmaqtardan kóshirilgen evakýatsııalyq aımaqtarda bastysy – taza aýyz sýǵa qol jetkizý. Sý – ómirdiń negizgi kózi, mundaı jaǵdaıda gastroenterologııalyq aýrýlardyń órshýin boldyrmaý úshin taza sý, tipti tamaqtan da mańyzdyraq. Onyń sheshýdiń joly, bótelkedegi tazartylǵan sýmen qamtý, ıaǵnı sýdy tazartý jáne qaınatý», - deıdi maman.
Odan bólek, ǵalym elimizdegi sý tasqynyna qaramastan jazda qurǵaqshylyq bolýy múmkindigine qatysty pikir bildirdi.
«Qazaqstan – ózindik klımattyq ereksheligine baılanysty bir-birine qarama-qaıshy tabıǵı apattarmen betpe-bet kelýge májbúr. ıAǵnı, qazirdiń ózinde qurǵaqshylyqtyń joǵarylaý qaýpi týraly boljamdar bar. Búgin biz 80 jyl ishinde buryn-sońdy bolmaǵan aýqymdy sý tasqynyna tap bolyp otyrmyz, demek kóktemde sý tasqyny, al jazda qurǵaqshylyq. Bul degenimiz bıliktiń, ǵylymı jáne saraptamalyq qoǵamdastyqtyń táýekelderdi jeńý men azaıtýdy úırenýi kerek degen sóz. Osy júıege beıimdelý qajet», - deıdi Nazarbaev ýnıversıtetiniń professory.
Aıta ketsek, búgin elordadaǵy Nazarbaev ýnıversıtetinde tótenshe jaǵdaılarǵa tótep berý máseleleri boıynsha sarapshylardyń pikirtalasy ótti. Atalǵan shara Nazarbaev ýnıversıteti, oǵan qarasty Qyzyl aı qoǵamy men BUU Turaqty damý sheshimderi jelisiniń jahandyq jastar bastamasymen uıymdastyryldy.
Pikir alysý barysynda tabıǵı apattar, onyń ishinde sý tasqyny, jer silkinisi, orman órtteri men epıdemııalyq jaǵdaı boıynsha sala mamandary pikir bildirdi.
