Sý tasqyny baspana naryǵyna qalaı áser etti – sarapshy pikiri
ASTANA. KAZINFORM – Qazaqstannyń Birikken rıeltorlar qaýymdastyǵy prezıdentiniń keńesshisi Nına Lýkıanenko elimizde oryn alǵan sý tasqynynyń baspana naryǵyna áserine qatysty pikir bildirdi.
«Ázirshe, baspana baǵasynyń ózgerýine eshqandaı alǵyshart baıqalmaıdy. Mámilelerdiń basym bóligi mıllıon turǵyny bar qalalarda jasalatyndyǵyn túsingen barynsha mańyzdy. Bul qalalardaǵy baǵa tabıǵı apat oryn alǵan qalalar men eldi mekenderdegi baǵamen múldem salystyrýǵa kelmeıdi. Munyń ústine adamdardy baspanasynan aıyrǵan sý tasqyny olardyń ózge óńirlerden jyljymaıtyn múlik satyp alýǵa degen materıaldyq jaǵdaılaryn nasharlata tústi dep sanaımyn», — dedi ol agenttik tilshisine bergen suhbatynda.
Sonymen qatar ol baspana satyp alýdy josparlap júrgen turǵyndarǵa keńes berdi.
«Eger qaıtalama naryqtan baspana satyp alýdy josparlap júrseńiz, onda múlik pen usynystardy, baǵanyń tómendeýin jiti nazarda ustaǵan jón. Baspana salýshy kompanııalardyń da usynystarymen jan-jaqty tanysyp, aktsııalardy ótkizip almaǵan durys», — dedi Nına Lýkıanenko.
