Sý tasqyny: Áýe kúshteriniń kómegimen 1660 adam evakýatsııalandy
ASTANA. KAZINFORM - Sý tasqynyna qarsy is-sharalar sheńberinde TJM, QM jáne ІІM Ulttyq ulannyń 20-dan astam áýe kemesi jumyldyryldy. Bul týraly «Qazavıaqutqarý» AQ baspasóz qyzmeti málim etti.
Qutqarý jumystary Ulytaý, Qostanaı, Aqtóbe, Atyraý, Qaraǵandy, Pavlodar, Aqmola jáne Abaı oblystarynda belsendi júrgizilip jatyr.
Qaýipti aımaqtardy tıimdi baqylaý jáne anyqtaý úshin avıatorlar 27 aerovızýaldy ushýdy júzege asyrdy. Qazirgi ýaqytta 1660 adam, onyń ishinde 425 bala evakýatsııalandy. 30 tonnadan astam gýmanıtarlyq júk tasymaldandy.
Buǵan deıin vıtse-premer – Sý tasqynyna qarsy sharalardy úılestirý jáne qarǵyn sý júrý kezeńiniń saldaryn joıý jónindegi respýblıkalyq shtab basshysynyń orynbasary Qanat Bozymbaev jáne Tótenshe jaǵdaılar mınıstri Shyńǵys Árinov Qaraǵandy oblysyndaǵy sý tasqyny jaǵdaıyn teksergenin jazǵan bolatynbyz.
