Sý tasqyny: Atyraý-Oral trassasynan Inderborǵa baratyn 7 shaqyrym jol jabylady

ATYRAÝ. KAZINFORM – Atyraý-Oral trassasynan Inderborǵa baratyn 7 shaqyrym jol jabylady. Inder aýdany ákimdiginiń málimetinshe, búgin kirmejoldy ýaqytsha jabý týraly sheshim qabyldanǵan.

«Atyraý-Oral tasjolynan Inderbor kentine deıingi 7 shaqyrymdyq joldy sý basý qaýpi týyndady. Osyǵan oraı kirme jol jabylady», - dep habarlady aýdandyq ákimdikten.

Atyraý oblysynyń jedel shtabynyń málimetine súıensek, búgin, 10 mamyrda Jaıyq ózenindegi sý deńgeıi taǵy kóterilgen. Máselen, túsqaıta saǵat 16:00-de Inderbor kentiniń tusyndaǵy sý deńgeıi 1019 santımetr bolǵan. Bul qaýipti shekten 174 santımetrge kóp. 

Eske sala ketelik, budan buryn Atyraý-Oral trassasynan Inderborǵa burylatyn joldyń eki jaǵyna sý jınalǵanyn jazǵan edik.