Sý tasqyny: Antıkor bıýdjet qarajatyn bólý barysyn tekseredi
ASTANA. KAZINFORM – Sybaılas jemqorlyqqa qarsy qyzmet sý tasqynynyń saldaryn joıýǵa jáne aldyn alýǵa baǵyttalǵan bıýdjet qarajatyn bólý jáne onyń jumsalý barysyna monıtorıng júrgizedi. Bul týraly Sybaılas jemqorlyqqa qarsy is-qımyl agenttigi tóraǵasynyń kómekshisi, resmı ókil Danııar Bıgaıdarov málim etti.
Resmı ókildiń aıtýynsha, búginde Antıkor ókilderi Batys Qazaqstan jáne Qostanaı oblysyndaǵy sý tasqynyn joıý protsesine belsendi qatysýda.
«Sý tasqyny salasyndaǵy faktilerdiń aldyn alý máselesi erekshe baqylaýda. Sybaılas jemqorlyqqa qarsy qyzmet turaqty negizde bıýdjet qarajatynyń bólinýi men onyń ıgerilýine monıtorıng júrgizedi. Qazirgi ýaqytta Prokýratýra organdary sý tasqyny faktileri boıynsha tekserýler júrgizip jatyr», - dedi Danııar Bıgaıdarov vedomstvoda ótken brıfıngide.
