Sý tasqyny: Aqtóbe oblysyna 8,5 myńnan astam volonter tartyldy
ASTANA. KAZINFORM – Sý tasqyny saldarymen kúreste eriktilerdiń jumysy týraly Aqtóbe oblysynyń eriktiler óńirlik shtabynyń ókili Mırhan Ermaǵanbetov aıtyp berdi.
«Aqtóbe qalasy men oblystyń birneshe aýdanynda sý tasqynyna baılanysty tótenshe jaǵdaı jarııalandy. Jergilikti atqarýshy organdarmen birge volonterler sý tasqyny bastalǵaly jumys istep jatyr. Oblys kóleminde, Aqtóbe qalasy men 6 aýdanda 8600-den astam volonter qol ushyn sozdy. Áleýmettik jelidegi chat arqyly volonterlerdiń jumysy júıeli túrde uıymdastyrylyp jatyr. Sonyń nátıjesinde eriktiler bir jerden ekinshi jerge tez jetip, kómektesýde. Olar adamdardy evakýtsııalaý, jetkizilgen gýmanıtarlyq kómekterdi taratý jumysymen aınalysýda. Onyń ishinde azyq-túlik, jylytý qurylǵylary, tósek oryn jáne taǵy basqa qajetti zattardy turǵyndarǵa jetkizip jatyr», - dedi Mırhan Ermaǵanbetov Ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, spıker óńirge Astana, Túrkistan, Atyraý, Qyzylorda qalasynan gýmanıtarlyq kómektiń jetkizilgenin aıtyp, alǵys bildirdi.
«Qazirgi ýaqytta eriktiler tazalyq jumystaryna kirisýdi bastama retinde kóterip otyr. Osylaısha oblys kóleminde senbilikter uıymdastyryp jatyrmyz. Jalpy sý tasqynynyń aldyn alý jáne saldaryn joıý jumystary júıeli túrde júrip jatyr», - deıdi ol.
