Sý tasqyny: 85 myńǵa jýyq adam evakýatsııalandy

ASTANA. KAZINFORM – Sý tasqynyna ushyraǵan óńirlerdegi búgingi jaǵdaı boıynsha jedel aqparat taratyldy.

«9 sáýirdegi saǵat 10:00-degi jaǵdaı boıynsha, azamattyq qorǵaý qyzmetiniń kúshimen 85 myńǵa jýyq adam, onyń ishinde 30 myńǵa jýyq bala evakýatsııalandy. Qazir ýaqytsha ornalastyrý pýnktterinde 8349 adam, onyń arasynda 3809 bala bar. Tótenshe jaǵdaılar mınıstrligi jáne jergilikti atqarshýy organdardyń kúshimen 8 mln-nan astam tekshe metr erigen qar sýy soryldy. Sonymen qosa 1 myńnan astam qum qapshyq jáne 1 tonnadan astam ınertti materıaldar tóseldi. Avarııalyq qutqarý jumystaryna 16 myńnan astam jáne 2500-ge jýyq tehnıka jumyldyryldy», - dedi Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash Ortalyq kommýnıkatsııalar qyzmeti alańynda ótken baspasóz máslıhatynda.

TJM ókiliniń aıtýynsha, elimizdiń 9 óńirinde (Aqtóbe, Qostanaı, BQO, Ulytaý, Aqmola, Qaraǵandy, Atyraý, Pavlodar jáne SQO) jergilikti aýqymdaǵy 29 tótenshe jaǵdaı jarııalandy.

«Jedel jeli telefondaryna 1129 qońyraý kelip tústi jáne 76 adamǵa shuǵyl psıhologııalyq kómek kórsetildi. 20 óńirde respýblıkalyq jáne oblystyq jedel shtabtar jumysyn jalǵastyrýda», - deıdi spıker.

Aıta ketsek, Іshki ister mınıstrligi sý basqan óńirlerde strategııalyq obektiler qorǵaýyna aldy.