Sý tasqyny: 5 myńnan astam otbasyǵa ataýly áleýmettik kómek taǵaıyndaldy

ASTANA. KAZINFORM – Ataýly áleýmettik kómek sý tasqynynan zardap shekken otbasylarǵa avtomatty túrde taǵaıyndaldy. Bul týraly Eńbek jáne halyqty áleýmettik qorǵaý mınıstrliginiń baspasóz hatshysy Madııar Ýaqpaev málim etti.

«Sý basqan óńirlerde 15 myńnan astam turǵynǵa áleýmettik qoldaý kórsetildi. Onyń ishinde tótenshe jaǵdaı jarııalanǵan óńirlerde 5 myńnan astam otbasyǵa ataýly áleýmettik kómek taǵaıyndaldy. Olar memlekettik organdarǵa júgingen joq, kómek avtomatty túrde taǵaıyndaldy. Sonymen qatar 2 myńnan astam múgedek jannyń qaıta kýálandyrý merzimi keıinge shegerildi, jalpy bul shara shamamen 4 myń múgedek jandy qamtıdy, onyń ishinde balalar da bar», - dedi Madııar Ýaqpaev «Habar» telearnasynyń efırinde «Biz birgemiz!» jalpyulttyq telemarafonyna qatysa otyryp. 

Búgin elimizde «Biz birgemiz!» jalpyulttyq telemarafony ótip jatyr.