Sý tasqyny: 4 joldy sý basyp, 8 jolda qozǵalys shekteldi

ASTANA. KAZINFORM - 2024 jylǵy 23 sáýir saǵat 18:00 jaǵdaı boıynsha halyqaralyq jáne respýblıkalyq mańyzy bar avtomobıl joldarynda kúnniń kúrt jylynyp, qardyń tez erýi saldarynan 2 oblysta (SQO, Qostanaı) 4 avtojoldyń uzyndyǵy 4300 metr bolatyn bóligin sý basty.

«Qazavtojol» UQ» AQ baspasóz qyzmetiniń habarlaýynsha, 4 oblystaǵy (Aqtóbe, Atyraý, Qostanaı, SQO) respýblıkalyq mańyzy bar 8 avtomobıl joldarynda (uzyndyǵy 463 km) qozǵalysqa shekteý qoıyldy.

Qazirgi tańda respýblıkalyq joldarda 765 birlik tehnıka men 1922 adam jumyldyrylǵan.