Sý salasyna bólingen bilim grantynyń teń jartysy ıgerilmeı qaldy – mınıstrlik

ASTANA. KAZINFORM – Elimizdiń 9 joǵary oqý ornynda sý salasy úshin mamandar daıarlanady. Alaıda bıyl bólingen 618 granttyń 297-sine ǵana stýdentter qabyldanǵan. Mańyzdy sala mamandaryn oqytý týraly Ǵylym jáne joǵary bilim mınıstrligi baıandady.

Қозоғистон меҳнат мигрантлари ҳуқуқларини ҳимоя қилиш бўйича қатор давлатлар билан шартномалар имзолашни режалаштирмоқда
Фото: freepik

− Prezıdenttiń 2024 jylǵy 12 sáýirdegi tapsyrmasyna sáıkes, Taraz gıdromelıoratıvtik-qurylys ınstıtýtyn qalpyna keltirý maqsatynda «Qazaq ulttyq sý sharýashylyǵy jáne ırrıgatsııa ýnıversıteti» quryldy. Óńirdegi erekshe mártebege ıe, alǵashqy ulttyq ýnıversıtet bas lıtsenzııany aldy, − dedi Joǵary jáne joǵary oqý ornynan keıingi bilim komıteti tóraǵasynyń orynbasary Gúljan Jarasova Ortalyq kommýnıkatsııalar qyzmetinde ótken brıfıngte.

Bul ýnıversıtet Fınlıandııa ýnıversıtetimen jańa 4 bilim berý baǵdarlamasyn (Smart water (Aqyldy sý), Water security (Sý qaýipsizdigi), IWRM (sý resýrstaryn keshendi basqarý), Environmental monitoring) ázirleý boıynsha jumystardy bastady.

Sondaı-aq Qazaqstannyń ulttyq sý ýnıversıteti Ózbekstannyń sý salasyndaǵy ulttyq zertteý ýnıversıtetimen yntymaqtastyqty jáne birlesken bilim berý baǵdarlamalaryn iske asyrý jumystaryn jalǵastyrmaq.

2024 jyly 8 tamyzda Qazaq ulttyq agrarlyq zertteý ýnıversıteti bazasynda Tashkent aýylsharýashylyǵy ırrıgatsııasy men melıoratsııasy ýnıversıtetiniń (Ózbekstan) fılıaly ashyldy.

− Búgingi tańda sý salasy úshin kadrlar daıarlaý elimizdiń 9 joǵary oqý ornynda júrgizilýde. 2024-2025 oqý jylyna arnalǵan memlekettik tapsyrys osy salaǵa 618 grant bóldi. Biraq sý salasy talapkerler úshin tartymsyz bolyp qalýda. Mysaly, byltyrǵy bólingen 618 granttyń tek 48%-y (297 oryn) ıgerildi, − deıdi spıker.

Sondaı-aq, «Bolashaq» halyqaralyq stıpendııasyn berý úshin basym mamandyqtardyń tizbesine alǵash ret akademııalyq oqýdan ótý úshin «Sý qaýipsizdigi» mamandyqtary jáne taǵylymdamadan ótý úshin: «Sý qaýipsizdigi»; «Sýmen jabdyqtaý jáne sý burý»; «Gıdrotehnıkalyq qurylys», «sýdy tazartý jáne sý daıyndaý tehnologııasy»; «Sý qaýipsizdigi jáne sý daıyndaý tehnologııasy» mamandyqtary engizildi.

Jalpy «Bolashaq» halyqaralyq baǵdarlamasy aıasynda «Sý resýrstary» mamandyǵy boıynsha 21 adam daıyndalǵan, onyń ishinde 5 adam ǵylymı taǵylymdamadan ótken.

Aıta keteıik, aldaǵy jyldary elimizde sý salasynyń mamandaryn daıyndaıtyn 5 kolledj ashylady. Olar batys, shyǵys, soltústik, ortalyq aımaqtarda salynady.

Buǵan deıin G. Jarasova Qazaqstan JOO-laryna ınjenerlik bilim berýdiń jańa modeli engiziletinin aıtqan edi. Búginde Qazaqstannyń 54 JOO-synda ınjenerler oqytylady, onda 103 myńnan astam stýdent oqıdy. 

Sondaı-aq, Qazaqstandy Ortalyq Azııanyń bilim berý habyna aınaldyrý maqsatynda elimizde 16 sheteldik ýnıversıtettiń fılıaldary ashylǵan.

 

Сейчас читают