Sý resýrstary komıtetiniń quziretin keńeıtý usynyldy
Bul týraly atalǵan organnyń erejelerin bekitý boıynsha ashyq talqyǵa shyǵarylǵan mınıstrlik buıryǵynda jazylǵan, dep habarlaıdy QazAqparat tilshisi.
Qujatta kórsetilgendeı, endi komıtettiń quzyretine myna mindetter kiredi:
eldi mekenderden tys jerlerde sý qoryn paıdalaný jáne qorǵaý, sýmen jabdyqtaý jáne sý burý salasynda jergilikti atqarýshy organdardy úılestirýdi jáne olarǵa ádistemelik basshylyq jasaýdy júzege asyrady;
sý qorǵaý aımaqtary men beldeýleriniń shekaralaryn, olarda jáne erekshe qorǵalatyn sý obektilerinde sharýashylyq qyzmettiń belgilengen rejıminiń saqtalýyn baqylaýdy júzege asyrady;
sý tutyný jáne sý burý lımıtteriniń saqtalýyn baqylaıdy;
sý jınaý qurylystaryn, sý sharýashylyǵy júıeleri men sý qoımalaryn paıdalaný qaǵıdalarynyń saqtalýyn baqylaýdy júzege asyrady;
sý obektilerinen alynatyn jáne olarǵa aǵyzylatyn sý kólemiń bastapqy esebin júrgizýdiń durystyǵyna, sýdy tutyný men aǵyzýdy esepke alý úshin jabdyqtar men apparatýralardy memlekettik attestattaý merzimderiniń bolýyna, jaramdy jaı-kúıine jáne saqtalýyna, sý paıdalanýshylardyń eseptilik belgilengen merzimderiniń saqtalýyna baqylaýdy júzege asyrady.
Sonymen birge, vedomstvo azamattardyń sý obektilerin óz betinshe paıdalanýyna jol bermeý sharalarynyń oryndalýyn qadaǵalaıdy. Qosymsha komıtet sý obektilerin rekonstrýktsııalaý, tehnıkalyq qaıta jaraqtandyrý men qorǵaýdy qamtamasyz etetin normalardy baqylaýǵa mindetteledi.
