Sý resýrstary jáne ırrıgatsııa vıtse-mınıstri taǵaıyndaldy
ASTANA. KAZINFORM — QR Úkimetiniń qaýlysymen Talǵat Amangeldiuly Momyshev sý resýrstary jáne ırrıgatsııa vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlaıdy.
1968 jyly Aqmola oblysynda dúnıege kelgen. Ár jyldary kommertsııalyq qurylymdarda jumys istedi, saýda salasynda kásipkerlik qyzmetpen aınalysty.
1997–1998 jyldary Jambyl Standarttaý, metrologııa jáne sertıfıkattaý ortalyǵynyń bólim bastyǵy, dırektordyń orynbasary bolyp jumys istedi.
1998–2000 jyldary — Jambyl oblysy ákiminiń apparatynda jalpy bólimniń aǵa referenti jáne ınvestıtsııalar jáne syrtqy ekonomıkalyq baılanystar komıtetiniń tóraǵasy.
2000–2010 jyldary aralyǵynda Qazaqstan Respýblıkasy Indýstrııa jáne saýda mınıstrliginde jumys istedi. «Metrologııa» RMK Almaty fılıalynyń basshysy, «Ulttyq akkredıtteý ortalyǵy» RMK dırektorynyń birinshi orynbasary, Astana qalasy boıynsha «Ulttyq saraptama jáne sertıfıkattaý ortalyǵy» AQ óndiristik basqarmasynyń bastyǵy jáne Tehnıkalyq retteý jáne metrologııa komıteti tóraǵasynyń orynbasary qyzmetin atqardy.
2010–2014 jyldary — QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıteti tóraǵasynyń orynbasary, QR Munaı jáne gaz mınıstrligi Munaı-gaz keshenindegi memlekettik ınspektsııa komıtetiniń tóraǵasy.
2014– 2016 jyldary — QR Energetıka mınıstrligi Munaı-gaz keshenindegi Ekologııalyq retteý, baqylaý jáne memlekettik ınspektsııa komıtetiniń tóraǵasy.
2016–2018 jyldary — QR Prezıdenti Ákimshiliginiń Memlekettik baqylaý jáne uıymdastyrý-aýmaqtyq jumys bóliminiń memlekettik ınspektory.
2018–2019 jyldary — Jambyl oblysy ákiminiń orynbasary.
2019 jyldan 2021 jylǵa deıin QR Energetıka mınıstrligi jaýapty hatshy jáne apparat basshysy bolyp qyzmet etti.
2021–2023 jyldary — QR ekologııa, geologııa jáne tabıǵı resýrstar vıtse-mınıstri.
2023–2024 jyldary — QR Saýda jáne ıntegratsııa mınıstrligi «Ulttyq akkredıtteý ortalyǵy» RMK bas dırektory.
2024 jylǵy shildeden bastap qazirgi ýaqytqa deıin Eýrazııalyq ekonomıkalyq komıssııanyń Tehnıkalyq retteý jáne akkredıtteý departamenti dırektory bolyp jumys istedi.
Osydan buryn Kardıologııa jáne ishki aýrýlar ǵylymı-zertteý ınstıtýtynyń basshysy aýysqanyn jazǵan edik.